ՄԱԿ գլխավոր քարտուղար Անտոնիու Գուտերեշը լուրջ մտահոգություն է հայտնել Վենեսուելայում տեղի ունեցող անկարգությունների կապակցությամբ ու երկրի իշխանություններին ու ընդդիմությանը կոչ է արել մեղմել լարվածությունը ու տարաձայնությունները լուծել երկխոսության միջոցով։
«Մենք ծայրաստիճան մտահոգված ենք Վենեսուելայում իրադարձությունների զարգացումով ու կոչ ենք անում ջանքեր գործադրել լարվածությունը մեղմելու ու նոր բախումները կանխելու նպատակով»,- ասվում է նրա հայտարարության մեջ։ «Մենք բոլոր կողմերին կոչ ենք անում ընդառաջել միմյանց, որպեսզի հնարավոր լինի նվազեցնել բեւեռացումն ու անհրաժեշտ պայմաններ ստեղծել երկրի խմդիրները լուծելու համար»,- ասել է նա։
Հիշեցնենք, որ այս օրերին Վենեսուելայի մայրաքաղաք Կարակասում ու մի շարք այլ քաղաքներում բազմահազարանոց հակակառավարական ցույցեր են անցկացվում։ Ցուցարարների ու ուժայինների բախումների հետեւանքով զոհվել է մի քանի մարդ, կան տասնյակ վիրավորներ։
