Եվրոպական երկրների միասնականության պահպանում ու այնպիսի ոլորտների բացահայտում, որտեղ կա անվստահություն՝ սրանք են ԵՄ-ից Մեծ Բրիտանիայի դուրս գալու մասին բանակցություններում հաջողություն ապահովելու պայմանները։ Այս մասին հայտնել է «բրեքսիթի» հարցերով գլխավոր բանակցող Միշել Բարնյեն, որը Վարշավա է ժամանել, ԵՄ հարցերով Լեհաստանի սեյմի հանձնաժողովի նիստին մասնակցելու։
Միշել Բարնյեն նշել է, որ հավատում է «բրեքսիթի» հարցում հաջողությանը։ «Առաջին պայմանը 27 երկրների միասնությունն է։ Լեհաստանը նույնպես իր դերը պետք է կատարի։ Երկրորդ պայմանը՝ գտնե լ ու նվազեցնել այն ոլորտները, որտեղ տիրում է անվստահություն, խոսքը Բիտանիայում ԵՄ քաղաքացիների ու ԵՄ-ում բրիտանացիների դրության մասին է, նաեւ ԵՄ միջոցների ու սահմանների։ Երրորդ պայմանն է գործերի հաջորդական կարգավորումը»,- ասել է նա։
