ՀՀ նախագահ Սերժ Սարգսյանն այսօր՝ ապրիլի 21-ին, հրամանագիր է ստորագրել Հայաստանի Հանրապետության եւ մայիսյան հերոսամարտերի 100-ամյակին նվիրված միջոցառումների կազմակերպման պետական հանձնաժողով ստեղծելու մասին: Հանձնաժողովի նախագահը Հայաստանի Հանրապետության վարչապետն է:
ՀՀ նախագահի մամուլի գրասենյակից NEWS.am-ին հայտնում են, որ հանձնաժողովին հանձնարարվել է` երկամսյա ժամկետում մշակել եւ Հայաստանի Հանրապետության նախագահի հավանությանը ներկայացնել Հայաստանի Հանրապետության եւ մայիսյան հերոսամարտերի 100-ամյակին նվիրված միջոցառումների ծրագիրը: