Հայոց ցեղասպանության ճանաչումը չպետք է քաղաքական հարց լինի: Այս հարցը քաղաքականությունից դուրս է: Այս մասին հայտարարել է Ամերիկայի Հայկական համագումարի տարածաշրջանային տնօրեն Արփի Վարդանյանը:
Նրա խոսքով՝ Ցեղասպանության ճանաչման հարցում պետությունները պետք է առաջնորդվեն ոչ թե քաղաքական շահերով կամ ձեռնտու լինելով, այլ համամարդկային արժեքներով: Նա նշել է, որ անհրաժեշտ է իրերն իրենց անուններով կոչել՝ առանց նայելու դա ձեռնտու է, թե ոչ:
«Հայոց ցեղասպանության ճանաչումը կարեւոր է ամբողջ մարդկության համար: Դա կօգնի ապագայում նման հանցագործությունների կանխմանը»,- կարծում է նա: Վարդանյանը նշել է, որ Ցեղասպանության 100-ամյա տարելիցից հետո որոշակի մտահոգություններ կային, որ աշխարհն այս ողբերգության մասին կարող է մոռանալ: «Սակայն դա տեղի չունեցավ: Այսօր աշխարհն ավելի լավ է տեղեկացված Հայոց ցեղասպանության մասին: Դրա օրինակն է «Խոստում» ֆիլմը, որի պրեմիերան Հայաստանում պետք է տեղի ունենան ապիլի 27-ին: Սակայն ԱՄՆ-ում ֆիլմն արդեն շատերն են դիտել, որը լայն արձագանք է ստացել»,- ասել է նա:
«Խոստում» ֆիլմի գործողությունները ծավալվում են Օսմանյան կայսրության գոյության վերջին տարիներին: Քրիսն ամերիկացի է, Associated Press-ի թղթակիցն է, որը ռազմական իրադրությունում դրայվ է ստանում, չնայած նրա շուրջը աշխարհը մասերի է բաժանվում: Մայքլը (Միքայելը) խելացի ուսանող բժիշկ է, որը կտոր-կտոր է լինում իր զգացմունքների եւ ավանդույթներին հավատարմության միջեւ: Երկուսն էլ սիրահարված են գեղեցկուհի Աննային:
Հիշեցնենք, որ կինոժապավենին իրենց աջայցությունն են հայտնել հոլիվուդյան մի ամբողջ համաստեղություն՝ Շեր, Լեոնարդո դի Կապրիո, Սիլվեսթր Սթալոնե, Էլթոն Ջոն, Բարբարա Սթրեյզանդ եւ Ջորջ Քլունի:
