Մեծ Բրիտանիայի թագուհի Եղիսաբեթ 2-րդը դառնում է 91 տարեկան, հաղորդում Reuters-ը:
Բրիտանացի միապետի ծննդյան տարեդարձի կապակցությամբ Լոնդոնի Հայդ-պարկում եւ Թաուերում թնդանոթներից համազարկեր կարձակվեն:
Թագուհին ինքը այդ օրը ընտանիքի հետ կանցկացնի:
Եղիսաբեթի նախկին անձնական խոհարար Դարրեն Մաքգարդիի խոսքով` Եղիսաբեթն իր ծննդյան տարեդարձը նշում է ինչպես հասարակ «մահկանացուները»` շոկոլադե թխվածքով, որի բաղադրատոմսը պատրաստվել է դեռեւս Վիկտորիա թագուհու օրոք:
Եղիսաբեթ 2-րդը ծնվել է 1926 թվականի ապրիլի 21-ին: նա գահ է բարձրացել 1952 թվականին, 25 տարեկանում, հոր` Գեորգ 6-րդի մահվանից հետո:
Եղիսաբեթը Միացյալ թագավորությունում, ինչպես նաւ աշխարհում ամենաերկարը կառավարող միապետն է:
Փետրվարի 6-ին թագուհին նշել է իր գահակալության 65-ամյակը` շափյուղայե հոբելյանը` դառնալով նման հոբելյան նշող առաջին միապետը:
