Ահաբեկչական գործունեության մեջ կասկածվող եւ Բելգիայի ոստիկանության տվյալների բազայում ներառված անձանց քանակը 7 տարում աճել է տասն անգամ, հաղորդում է dhnet.be-ն` վկայակոչելով թագավորության ներքին գործերի նախարարության տվյալներին:
Համաձայն գերատեսչության տվյալների` 2010 թվականին այնտեղ ներառված է եղել 1875 մարդ, իսկ այժմ այդ թիվը հասել է 18 884-ի: «Դրանք միայն նրանք են, որոնց կասկածում են ահաբեկչական գործունեության մեջ»,-ընդգծել է երկրի ներքին գործերի նախարար Յան Յամբոնը: Իսկ ահա տվյալների բազայում ավելի քան 2, 2 միլիոն անուն կա:
Նման կտրուկ մեծացումը բացատրվում է այն բանով, որ ցուցակներում ներառված են ահաբեկիչների հետ կապ ունեցող անձինք, ինչպես նաեւ նրանք, որոնց համակարգչում հայտնաբերվել են «Իսլամական պետության» քարոզչական նյութեր: