Երեւանի կենտրոն եւ Նորք-Մարաշ վարչական շրջանների ընդհանուր իրավասության դատարանն այսօր՝ ապրիլի 21-ին, զանգվածային անկարգություններին մասնակցելու մեջ մեղադրվող Արմեն Առաքելյանին դատապարտեց 3 տարվա ազատազրկման: Արմեն Առաքելյանը դատարանում ընդունեց իրեն առաջադրված մեղադրանքը:
Հիշեցնենք, որ մեղադրողը նրա համար պահանջել էր 4 տարվա ազատազրկում:
Ըստ մեղադրական եզրակացության Արմեն Առաքելյանը հուլիսի 20-ին Երեւանում տեղի ունեցած հասարակական անվտանգությունը վտանգած բռնությամբ, ջարդելով, գույք ոչնչացնելով եւ վնասելով արտահայտված զանգվածային անկարգությունների ընթացքում բռնություն է գործադրել ոստիկանության աշխատակիցների նկատմամբ` ձեռքերով եւ ոտքերով հարվածներ է հասցրել իրենց ծառայողական պարտականությունները կատարող, իշխանության ներկայացուցիչ հանդիսացող ոստիկանության աշխատակիցներին, քաշքշել եւ փորձել է խլել ոստիկանության ծառայողի վահանը:
Արմեն Առաքելյանին մեղադրանք է առաջադրվել 225-րդ հոդվածի 2-րդ մասով: Երկուսն էլ կալանքի տակ են: