Ոստիկանության Արաբկիրի բաժնում ապրիլի 8-ի ուկրաինացի կինն ահազանգել է, որ Երեւանի հակոբ Հակոբյանի փողոցում երկու անծանոթ բանալիով բացել են իր տան դուռը, ներս մտել, հետո տեսնելով իրեն, հափշտակել են գումար ու դիմել փախուստի:
Տանտիրուհին, ով աշխատում է խաղատներից մեկում որպես խաղավար, դեպքի վայր ժամանակ ոստիկաններին հուզված պատմել է, որ անծանոթենրը զինված են եղել, ունեցել են ատրճանակ, դանակ ու էլեկտրական պարպիճ: Վերջինը նաեւ կիրառել էին:
Երկուսն էլ դիմակ չեն ունեցել, կնգուղները գլուխներին քաշած են եղել: Ավազակները պահանջել էին գումար տալ, կինն ասել էր, որ գումար չունի: Ավազակները շարունակել էին սպառնալիքները: Կինը գնացել է ննջասենյակ ու պատը ծեծել, հույս ունենալով, որ հարեւանները կլսեն ու օգնություն կկանչեն: Անծանոթները պահարանից 700 դոլար են գտել, վերցրել կնոջ պայուսակն ու դիմել փախուստի:
Ոստիկանությունը ապրիլի 10-ին ավազակային հարձակում կատարելու կասկածանքով հայտնաբերվել եւ բերման են ենթարկվել 21-ամյա Դավիթ Հ.-ն եւ 20-ամյա Սարգիս Պ.-ն: Նրանք ընդունել են իրենց մեղքը եւ հայտնել, որ ձեռքներին գազային ատրճանակ է եղել: