Հայոց ցեղասպանության 102-ամյակին ընդառաջ Լիբանանում մի շարք միջոցառումներ են անցկացվել:

Մեծի տանն Կիլիկիո կաթողիկոսությունից http://www.armenianorthodoxchurch.org/archives/19107 NEWS.am-ին հայտնում են, որ Մեհրաբում Հայոց ցեղասպանության 102-րդ տարելիցի ոգեկոչումն սկսել է Մեծի տանն Կիլիկիո կաթողիկոս Արամ Ա-ի պատգամով: Նա ֆրանսերենով ողջունել է միջոցառման կազմակերպիչներին եւ նշել .«Ցեղասպանությունը մարդկության դեմ գործված ոճիր է, իսկ մարդկության դեմ կատարված ոճրագործության պատիժը` ըստ միջազգային օրենքի, բարոյական, օրինական եւ քաղաքական հանձնառություն է, իսկ պատժից խուսափելը` անիրավություն եւ Ցեղասպանության շարունակություն»: Վեհափառ հայրապետը ընդգծել է, որ ըստ միջազգային օրենքի, մարդկության դեմ գործած ոճիրները եւ մասնավորապես այդ ոճիրների եւ Ցեղասպանության ճանաչումը անքակտելի են, այլ խոսքով` ճանաչումը ենթադրում է սխալի ուղղում:

«Հայ ժողովուրդը 20-րդ դարում գործած ցեղասպանության առաջին զոհն է եւ շարունակում է արդարություն պահանջել, մինչդեռ թուրքական իշխանությունները շարունակում են ժխտողական քաղաքականություն վարել»,- իր պատգամում ասել է Արամ Ա կաթողիկոսը՝ հավելելով, որ հնարավոր չէ մոռանալ կամ թաղել իրականությունը: «Ազգը չի մեռնի, եթե կյանքի նկատմամբ հավատք ունի, անցյալի նկատմամբ հավատարմություն, իսկ ապագայի նկատմամբ էլ տեսլական է»,- նշել է Վեհափառ Հայրապետը: