Իրաքյան Մոսուլի մի քանի շրջաններ ազատագրել են «Իսլամական պետություն» ահաբեկչական խմբավորման զինյալներից:
Ալ-Թավրա շրջանն ամբողջությամբ իրաքյան զորքերի վերահսկողության ներքո է, ազատագրվել է նաեւ ալ-Թանաքի կեսը, այստեղ մարտերը շարունակվում են: Այս մասին գրում է Reuters-ը:
ԻՊ-ի վերահսկողության ներքո գտնվող շրջաններից շարունակում են փախստականներ դուրս գալ, որոնց տեղավորում են ժամանակավոր բնակության ճամբարներում: Դրանցում արդեն շուրջ 410 հազար մարդ կա: DW-ի փոխանցմամբ՝ Մասուլի արեւմտյան շրջաններում, որոնց համար մարտեր են մղվում, դեռեւս հարյուր հազարավոր խաղաղ բնակիչներ կան:
Մասուլի ազատագրման գործողությունը սկսվել է 2016 թվականի հոկտեմբերից: 2017-ի հունվարին հաջողվել է գրավել քաղաքի արեւելյան հատվածը, իսկ փետրվարին սկսվել է արեւմտյան Մոսուլի ազատագրումը:
