Հայաստանի ԱԻՆ-ում, այսօր՝ ապրիլի 22-ին, ժամը 17:36-ին տեղեկություն է ստացվել, որ Երեւան-Մեղրի ավտոճանապարհի 150-րդ կմ-ին տեղի է ունեցել ավտովթար. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ բախվել են «Mitsubishi Grandis» մակնիշի 34 QN 803 (վարորդ՝ Հ. Մ.) եւ «Mercedes» մակնիշի 34 LO 570 (վարորդ՝ 1991 թ. ծնված Մ. Ղ.) համարանիշերի ավտոմեքենաները, ինչի հետեւանքով Մ. Ղ.-ն ստացել է տարբեր աստիճանի մարմնական վնասվածքներ:
Փրկարարները Մ. Ղ.-ին ցուցաբերել են առաջին բուժօգնություն: Տուժածը հոսպիտալացվել է Վայքի ԲԿ, որտեղ բժիշկները վերջինիս առողջական վիճակը գնահատել են բավարար:
Փրկարարները հոսանքազրկել են ավտոմեքենաները եւ փակել գազի բալոնների փականները:
