Ստամբուլի Գալաթասարայի հրապարակում «Շաբաթ օրվա մայրերը» հավաքվել են ու հարգել 1915–ի Ցեղասպանության ժամանակ զոհ գնացած մտավորականների հիշատակը։
Թուրքական Evrensel–ի փոխանցմամբ՝ ապրիլի 22–ին, Գալաթասարայի հրապարակում հավաքված «Շաբաթ օրվա մայրերը» ձեռքներին պահել են 1915–ին կոտորված հայ մտավորականների ու իրենց կորցրած որդիների նկարները՝ դատապարտելով պետության կողմից իրականացվող կոտորածները։
Նշենք, որ 1995–ի մայիսի 27–ից իրենց հարազատներին անհայտ հանգամանքներում կորցրած մայրերը պարբերաբար շաբաթ օրերը ակցիաներ են իրականացնում Ստամբուլի Գալաթասարայի հրապարակում՝ պահանջելով բացահայտել իրենց որդիներին սպանողների մեղավորներին։