Ստամբուլի «Մարալ» պարի համույթը Բեշիքթաշի շրջանի մշակույթի կենտրոնում կրկին բեմադրել է «Արա Գեղեցիկ եւ Շամիրամ» ներկայացումը։

Ինչպես տեղեկացնում է Ստամբուլի հայկական «Ակոս»-ը, Բեշիքթաշի մշակույթի կենտրոնում «Մարալ» համույթի կողմից 2015–ին  բեմադրված «Արա Գեղեցիկ եւ Շամիրամ» ներկայացման հաջողությունը ստիպել է կրկին ներկայացնել այն ապրիլի 28–ին։

Նշենք, որ  2015–ին ներկայացված բեմադրության մեջ խաղացել էին 50 դերասան եւ պարողներ, օգտագործվել  հատուկ կարված հագուստներ, ինչպես նաեւ  բազմաթիվ աքսեսուարներ։ «Մարալ» համույթը ներկայացումը հավուր պատշաճի ներկայացնելու համար պատրաստվել էր 2 տարի։