Լոնդոնի ոստիկանությունը ձերբակալել է այն չարագործին, որը թունավոր նյութ էր փչել լոնդոնյան ակումբում, ինչի հետեւանքով 11 մարդ է այրվածքներ ստացել, հայտնում է Սքոթլենդ յարդը։
«25-ամյա Արթուր Քոլինզը կալանավորվել է Նորթհեմփթոնշիր կոմսության Ռաշդան քաղաքում ապրիլի 22-ի երեկոյան»,- ասվում է Լոնդոնի ոստիկանության հայտարարության մեջ։
«Քոլինզին կալանավորել են մահափորձի մեջ կասկածանքով։ Նրա կալանքի տակ են վերցնելու Լոնդոնի ոստիկանությունում»,- նշվում է հաղորդագրության մեջ։
Բացի դրանից ավելի վաղ կալանավորվել էր եւս երեք մարդ։ Նրանցից երկուսն արդեն ազատ են արձակվել, եւս մեկին մեղադրանք է առաջադրվել։
ԱՎելի վաղ հայտնել էին, որ ապրիլի 17-ին տեղի ունեցած միջադեպի պատճառով տարհանվել է ակումբի մոտ 600 այցելու։ Ընդ որում, նրանցից 200-ը ինքնուրույն էր հեռացել շենքից մինչեւ արտակարգ ծառայությունների ժամանելը։ Առնվազն ինը մարդ է հիվանդանոց տեղափոխվել։ Եւս երկուսը, ոստիկանության տվյալներով, ինքնուրույն է դիմել բուժօգնության։