Ֆրանսիայում Հայոց ցեղասպանության զոհերի հիշատակի օրվա նախօրեին Լիոնի հայկական համայնքի մոտ հարյուր ներկայացուցիչներ հավաքվել են քաղաքի 6-րդ օկրուգում, Թուրքիայի գլխավոր հյուպատոսարանից ոչ հեռու։ Ակցիայի մասնակիցների ձեռքին «Հայոց ցեղասպանունը չպատժված Ցեղասպանություն է» գրությամբ պաստառ էր։ Ոչ մի իրավախախտում կամ բախում չի գրանցվել, հայտնում է Mlyon–ը։

 Ապրիլի 24-ին հայերը ու ամբողջ քաղաքակիրթ աշխարհը հարգանքի տուրք են մատուցում ավելի քան մեկուկես միլիոն հայերի կյանք խլած՝ մարդկության դեմ այդ հրեշավոր հանցագործության զոհերի հիշատակին

Հայոց ցեղասպանության փաստը ճանաչվել է բազմաթիվ պետությունների կողմից։ Առաջինը՝ 1965-ին դա արել է Ուրուգվայը, որի օրինակին հետեւել են Ռուսաստանը ,Ֆրանսիան, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, նաեւ ԱՄՆ 45 նահանգները։ Հայոց ցեղասպանությունը ճանաչել են նաեւ Վատիկանը, Եվրոպական խորհրդարանը, Եկեղեցիների համաշխարհային խորհուրդը։