Տարոն Մարգարյանի հուսահատության գազելից ելք կա։ Այդ մասին Աջափնյակում նախընտրական քարոզարշավին հայտարարել է «Ելք» դաշինքի ցուցակը գլխավորող Նիկոլ Փաշինյանը։
Նրա խոսքով, «Ելք» դաշինքի փոքր, բայց շատ կարեւոր հաջողության արդյունքում Հայաստանում տեղից շարժվել է փոփոխությունների սայլը։ «Եւ դուք կարող եք մայիսի 14-ին Երեւանի ավագանու ընտրություններով նոր թափ հաղորդել փոփոխությունների գործընթացին եւ այն հասցնել մի շատ կարեւոր հանգրվանի»,- նշել է Նիկոլ Փաշինյանը։
«Ելք» դաշինքն այսօր քարոզարշավ է իրականացնում Աջափնյակ վարչական շրջանի տարածքում։ Դաշինքը հավատարիմ իր քարոզչական մարտավարությանը, քարոզչությունն իրականացնում է բակերում, տանիքների վրայից։ Մի բակում էլ դաշինքի անդամները շնորհավորեցին ընթացող հարսանիքի մասնակիցներին, հասին ու փեսային։
