Լոռու մարզի Օձուն գյուղ տանող ճանապարհին մի քանի ժամ է, խցանման մեջ են գտնվում 300-ից ավելի թեթեւ մարդատար ու բեռնատար մեքենաներ: Խցանումն առաջացել է հերթական ոլորանին, երբ մեծ բեռնատարի անսարքության պատճառով վարորդը չի կարողացել ճիշտ ձեւով իրականացնել կցորդիչի շրջադարձը:
NEWS.am-ի թղթակիցը հայտնում է, թե ահազանգը ստացվել է ժամը 14:06-ի դրությամբ: Անմիջապես դեպքի վայր են մեկնել Լոռու մարզի փրկարարները: Դեպքի վայրում աշխատում են նաեւ մարզի ոստիկանները: Չնայած դրան, խցանման մեջ հայտնված վարորդներից ու ուղեւորներից անընդհատ բողոքներ են ստացվում։
Հրշեջ փրկարարները կարողացել են որոշ չափով կցորդիչը տեղաշարժել, որի արդյունքում ճանապարհը որոշ մասն ազատվել է, հնարավորություն ընձեռնելով ապահովել միայն թեթեւ մարդատար մեքենանների միակողմանի երթեւեկը: