Չինաստանն ո ւ Իրանը ստորագրել են Արաքում ծանրջրյա ռեակտորի արդիականացման մասին առաջին կոմերցիոն պայմանագիրը, հայտնում է Սինհուան։
Համաձայնագրի ստորագրման պաշտոնական արարողությունը կայացել է Վիեննայում։ Երկու երկրների ընկերությունները Պեկինում արդեն նախաստորագրել էին պայմանագիրը, իսկ ստորագրման պաշտոնական արարողությունը ապրիլի 23-ին էր ծրագրված։
Արաքի ռեակտորի արդիականացումը նախատեսում է անպիսի վերասարքավորում, որ այն այլեւս հնարավոր չլինի օգտագործել զենքի համար պլուտոնիում մշակելու համար։
Ծանր ջուրը գործածվում է որոշ տեսակի միջուկային ռեակտորներում՝ որպես նեյտրոնների դանդաղեցուցիչ։ Ծանր ջրի ռեակտորներում կարելի է զենքի համար պլուտոնիում ստանալ, օգտագործելով բնական ուրանը, չդիմելով դրա հարստացմանը։ 2016-ի հունվարին Իրանը հայտնել է, որ ապամոնտաժել է ռեակտորի հիմնական մասը, որում պետք է օգտագործվեր ծանր ջուրը։