Երեւանի Մալաթիա-Սեբաստիա վարչական շրջանում այսօր՝ ապրիլի 23-ին, բնակիչների հտ հանդիպման ժամանակ Երեւանի քաղաքապետ Տարոն Մարգարյանը վստահեցրեց, որ քաղաքապետ վերընտրվելու դեպքում իր փորձառու թիմով շարունակելու է Երեւան քաղաքի բարեկարգման ծրագիրը: Նա նշեց, որ 4 տարի առաջ Երեւանն ավելի լավ դարձնելու համար առաջարկված ծրագրի բոլոր դրույթներն համարյա իրականացվել են, սակայն, դեռ շատ խնդիրներ կան երեւանցիների եւ Երեւանի առջեւ ծառացած, որոնք սպասում են իրենց լուծմանը:
«4 տարի առաջ երեւանցիներին ավելի լավ Երեւան ունենալու ծրագիր էինք ներկայացրել եւ այսօր կարող ենք ասել, որ շատ խնդիրներ մենք միասին կարողացել ենք լուծել: Բայց դա չի նշանակում, որ Երեւանում խնդիրներ չկան, բազում խնդիրներ մնացել են: Մեր ծրագիրն իրատեսական է, մեր փորձառու թիմով ամեն ինչ անելու ենք մեր Երեւանի, երեւանցիների համար: Ես վստահ եմ, որ փորձառու թիմով մեր ծրագրային դրույթները կյանքի կկոչենք»,-ասաց նա:
Հիշեցնենք, որ մայիսի 14-ին տեղի է ունենալու Երեւանի ավագանու ընտրությունները: Ընտրություններին մասնակցում է ՀՀԿ կուսակցությունը, «Ելք» դաշինքը եւ «»Երկիր Ծիրանի կուսակցությունը: