Ֆրանսիայի էկոնոմիկայի նախկին նախարար Էմանուել Մաքրոնն ու «Ազգային ճակատ» կուսակցության առաջնորդ Մարին Լը Պենն առաջատար են նախագահական ընտրությունների առաջին փուլում, այս մասին են վկայում «հայտնի սոցիոլոգիական ինստիտուտի» տվյալները ժամը 12։00-ի դրությամբ, որոնք մեջբերում է բելգիական RTBF հեռուստաալիքը։
Քվեարկածների շրջանում իրականացված հարցման արդյունքները վկայակոչելով՝ հեռուստաալիքը հայտնում է, որ Մաքրոնի օգտին է քվեարկել ընտրողների 24 տոկոսը, Լը Պենի օգտին՝ 22 տոկոսը, Ֆրանսուա Ֆիյոնին ընտրել է 20․5 տոկոսը, իսկ Ժան –Լյուկ Մելանշոնին՝ 18։