Համահայկական սիմֆոնիկ նվագախմբի երաժիշտներն այսօր՝ ապրիլի 23-ին, այցելեցին Ծիծեռնակաբերդի հուշահամալիր:
Երաժիշտներն իրենց հարգանքի տուրքը մատուցեցին Հայո ցեղասպանության զոհերի հիշատակին: Նրանցից Թամար Էսքենյանը, որը Լիբանանից է, սակայն տեւական ժամանակ բնակվում է Շվեյցարիայում, սրինգով Կոմիտաս նվագեց:
Նվագախմբին ուղեկցում էր մշակույթի նախարար Արմեն Ամիրյանը:
Նշենք, որ համահայկական նվագախումբը ստեղծվել է անցած տարվա վերջին: Նվագախումբը վաղն առաջին անգամ Երեւանում հանդես կգա համերգով: