43-ամյա տղամարդը ձերբակալվել է Վրաստանի Լանչխուտի շրջանում՝ թմրադեղերի խոշոր խմբաքանակ ձեռք բերելու ու պահելու մեղադրանքով, հայտնել է ՆԳՆ մամուլի ծառայությունը, փոխանցում է «Նովոստի Վրաստանը»։
Մեղադրյալի անձնական զննման ժամանակ ոստիկանները հայտնաբերել ու առգրավել են «սուբոկսին» թմրանյութի 168 հաբ։
Քննության տվյալներով, ստուգման ընթացքում պարզվել է, որ ձերբակալվածը թմրանյութերի ազդեցության տակ է գտնվել։ Մեղադրյալն ընդունել է իր մեղավորությունը։
Քրեական գործը հարուցվել է Վրաստանի ՔՕ 260 հոդվածի 6-րդ մասով, որը նախատեսում է ութից 20 տարի ազատազրկում։