Ապրիլի 21-ի գիշերը Որուգվայի հայ համայնքի ներկայացուցիչները հավաքվել են Անկախության հրապարակում, որպեսզի սկսեն Հայոց ցեղասպանության 102-րդ տարելիցին նվիրված երթը՝ գլխավոր՝ Մոնտեւիդիո պողոտայով։ Երթը կազմակերպել է «Որուգվայի երիտասարդ հայեր» խումբը, որը միավորում է համայնքի երիտասարդական կազմակերպություններին։
Միջոցառման մասնակիցներից Միքայել Դեմիրճյանը Ուրուգվային շնորհակալություն է հայտնել աջակցության համար, ինչպես նաեւ դատապարտել գազանությունները, որոնք տեղի են ունենում ներկայումս Սիրիայում եւ համերաշխություն հայտնել բոլոր նրանց հետ, ովքեր դեռ արդարության են սպասում։
Նա նշել է, որ յուրաքանչյուր տարի նրանք հարգում են 1,5 միլիոն հայերի հիշատակը, ովքեր ոչնչացվել են ավելի քան մեկ դար առաջ եւ բողոքում են պետության դեմ, որը ոչ միայն ժխտում է իր պատասխանատվությունը 20-րդ դարի առաջին Ցեղասպանության համար, այլեւ մինչ այսօր հետախպնդում իր սեփական քաղաքացիներին։ Օրեցօր ակտիվիստները, ընդդիմադիրներն ու լրագրողները, ովքեր դեմ են հադես գալիս Ռեջեփ Թայիփ Էրդողանի կառավարմանը, հետապնդումների են ենթարկվում, նրանցից շատերը ստիպված են լքել երկիրը՝ խոսքի ազատության բացակայության պատճառով, ասել է Դեմիրճյանը։
Նա հավելել է, որ նրանք պահանջում են ոչ միայն Թուրքիայի կողմից Հայոց ցեղասպանության ճանաչումը, այլեւ տարածքային ու հողային փոխհատուցում։