ԵԿՄ նախագահ Մանվել Գրիգորյանը համոզված է, որ աշխարհը շուտով կճանաչի Հայոց ցեղասպանությունը: Այս մասին այսօր՝ ապրիլի 24-ին, լրագրողների հետ զրույցում ասաց Ծիծեռնակաբերդի հուշահամալիր այցելած ԵԿՄ նախագահ, ՀՀԿ խմբակցության պատգամավոր, գեներալ Մանվել Գրիգորյանը:
«Օրն ու ժամը չեմ իմանում, բայց որ մարդկությունն արդեն հասկանում է, որ մեղք կա գործած Թուրքիայի կողմից հայ ժողովրդի նկատմամբ, սաղ աշխարհը գիտի, համոզված է: Ամեն օր նահանգներով, քաղաքներով ճանաչում են Հայոց ցեղասպանությունը: Թե թուրքը երբ կճանաչի, մեղքն իրա վիզը»,- ասաց նա:
Մանվել Գրիգորյանը հրաժարվեց պատասխանել քաղաքականության վերաբերյալ լրագրողների հարցերին: Հարցին, արդյոք նա պատգամավորական մանդատը կվերցնի՞, Մանվել Գրիգորյանը լրագրողին ասաց. «Ա՛յ աղջիկ ջան, եքա մարդ ես, էդ հարցը ի՞նչ կապ ունի»: