ՀՅԴ-ն դեռեւս չի որոշել՝ ում է աջակցելու ավագանու ընտրություններում: Այս մասին, այսօր՝ ապրիլի 24-ին, Ծիծեռնակաբերդի հուշահամալիրում լրագրողների հետ զրույցում նշել է ՀՀ բնապահպանության նախարար, ՀՅԴ անդամ Արծվիկ Մինասյանը:
«Մենք բնականաբար կաջակցենք այն ծրագրերին, որոնք մեր մեծ ռազմավարական համագործակցության շրջանակներում ապահովելու են Երեւանի զարգացումը»,-նշել է նա՝ անդրադառնալով հարցին՝ ինչո՞ւ ՀՅԴ-ն չմասնակցեց Երեւանի ավագանու ընտրություններին:
Նրա խոսքով, ՀՅԴ-ն հարցը դեռեւս չի քննարկել, թե ո՞ւմ է սատարելու ավագանու ընտրություններում:
Արծվիկ Մինասյանը կարծիք է հայտնել, որ ՀՀԿ-ի հետ քաղաքական համաձայնությունը, որ ներկայումս կա, չի խաթարվի. «Մենք բնականաբար կաջակցենք այն ծրագրերին, որոնք մեր մեծ ռազմավարական համագործակցության շրջանակներում ապահովելու են Երևանի զարգացումը»,-ընդգծել է նա: