Թուրքիայի քրդական «Ժողովուրդների դեմոկրատական» կուսակցության հայ պատգամավոր Կարո Փայլանը Հայոց ցեղասպանության 102–րդ տարելիցի հետ կապված հայտարարություն է տարածել։
Կարո Փայլանի հայտարարության մեջ նշվել է, թե 102 տարի է անցել, սակայն մարդկության դեմ մեծ հանցանք Հայոց ցեղասպանության հետ դեռ չեն առերեսվել։ «Ցեղասպանության հետ, անցյալի ու ճշտի հետ առերեսվելը մեր երկրում խաղաղությանն ուղղված աջակցություն կլինի։ Չմոռանանք, որ առանց պատիժ ամեն հանցանք նոր հանցանքի համար առիթ է դառնում։
Եկեք բոլորս միասին այս ժխտողականության դեմն առնենք՝ ապահովելով ճշմարտության վեր հանումը։ Հարգում եմ Հայոց ցեղասպանության զոհերի հիշատակը, թող Աստված նրանց հոգին լուսավորի»,–ասել է Կարո Փայլանը։