Ես արդեն ասել եմ, որ այդ ներդրումը կանեինք, եթե ստանայինք 50+1 ձայների տոկոսը, այդ ներդրումը անմիջապես կլիներ։ Այս մասին, այսօր՝ ապրիլի 24-ին, Ծիծեռնակաբերդի հուշահամալիրում լրագրողների հետ զրույցում նշել է «Ծառուկյան» դաշինքի առաջնորդ Գագիկ Ծառուկյանը՝ անդրադառնալով նախընտրական շրջանում իր տված խոստմանը, թե իր ընտրվելու դեպքում 15 մլրդ դոլարի ներդրում կբերի Հայաստան:
«Դուք տեսաք եւ երաշխավորողներին, ամբողջ աշխարհում իմ գործընկերներին։ Դա միայն մեկն էր։ Ես երաշխիք չունեմ այդ պատասխանատվության տակ մտնելու։ Մեր հարգարժան ժողովուրդն էլ մեզ տվեց 29 տոկոս եւ դա կմնա արդեն մյուս ընտրությանը»,-հայտարարեց նա:
Նշենք, որ նոր խորհրդարանում 105 մանդատից 58-ը բաժին է հասել ՀՀԿ-ին, 31-ը՝ ԲՀԿ-ին, 9-ը՝ «Ելք» դաշինքին եւ 7-ը՝ ՀՅԴ-ին:
