ՀԱՊԿ-ին դեռ չի հաջողվում կարգավորել ՆԱՏՕ-ի հետ համագործակցությունը՝ չնայած դաշինքի առանձին անդամների հետ շփումներին։ Այս մասին հայտարարել է Հավաքական անվտանգության պայմանագրի կազմակերպության գխավոր քարտուղարի պաշտոնակատար Վալերի Սեմերիկովը, հաղորդում է «ՌԻԱ Նովոստի»-ն։
«ՆԱՏՕ դաշինքի առանձին անդամների կողմից, կարող եմ անկեղծ ասել, ընդհանուր առմամբ թյուրըմբռնում կա։ Մենք նրանց հետ հանդիպում ենք, նրանց հետ առանձին քննարկում ենք խնդիրները, հարցերը, բայց ահա մեր աշխատանքը կարգավորելու վերաբերյալ կազմակերպությունների միջեւ աշխատանքը կարգավորել չի ստացվում», — հայտարարել է Սեմերիկովը։
Դաշինքի հետ համագործակցության հարցի շուրջ նա նաեւ նշել է, որ դեռեւս 2004 թվականին ՀԱՊԿ անցամ պետությունների ղեկավարները տվյալ հկազմակերպության հետ փոխգործակցելու որոշում են ընդունել։ «Եւ նշվել են այնպիսի ուղղություններ, որոնց շուրջ մենք կարող ենք փոխազդել ու համատեղ համագործակցություն զարգացնել»,-հավելել է Սեմերիկովը։
Նրա խոսքով՝ առաջարկություններն ուղարկվել են դաշինքի գլխավոր գրասենյակ, սակայն ՆԱՏՕ-ն ոչ մի պատասխան չի տվել։
