Մոսկվայի Կրասնոպրեսնենսկի ուղեկալի հրապարակում, չնայած անձրեւին, ընթանում է ռուս հասարակության «Հիշում եւ պահանջում ենք» համաքաղաքային հանրահավաքը, որը նվիրված է Թուրքիայում Հայոց ցեղասպանության զոհերի հիշատակին: Ակցիայի մասնակիցները հարգել են Ցեղասպանության անմեղ զոհերի հիշատակը:
Ակցիայի մասնակիցները պարզել են «Հույս չդնեք մոռացության վրա, մենք ամեն ինչ հիշում ենք», «Առանց Ցեղասպանությունը ճանաչելու՝ Թուրքիան Եվոպայում տեղ չունի», «21-րդ դարում մարդկությանը պահպանենք առանց Ցեղասպանության» եւ այլ գրառումներով պաստառներ: Մասնակիցների բռնել են Հայաստանի եւ Արցախի դրոշները, նաեւ այն երկրների, որոնք ճանաչել են Թուրքիայում Հայոց ցեղասպանությունը:
Հանրահավաքին մասնակցում են օրենսդիր մարմինների, հասարակական միավորումների, փորձագիտական հանրության, մտավորականության եւ երիտասարդության ներկայացուցիչներ:
