Պարտավոր չի, որ պաշտոն ունենամ, կամ էլ վազում եմ պաշտոնի: Այս մասին, այսօր՝ ապրիլի 24-ին, Ծիծեռնակաբերդի հուշահամալիրում, լրագրողների հետ զրույցում նշել է ՀՀԿ խմբակցության պատգամավոր Առաքել Մովսիսյանը (Շմայս), ով նոր խորհրդարանում չի վերընտրվել:
Հարցին, թե ինչո՞վ է պատրաստվում զբաղվել ԱԺ-ից դուրս մնալուց հետո, նա պատասխանեց. «Արեք թողեք էսի իմ մեջ: Ես 27 տարվա մեջ առաջին անգամ վայելում եմ իմ հանգստությունը: Մեծ բեռ հելավ իմ վրից: Թող հանգստանամ, հետո կհանդիպենք»:
Հարցին, թե ինչի՞ց է հանգստանում, որպես պատգամավոր շա՞տ էր աշխատում, Առաքել Մովսիսյանն արձագանքեց. «Ոչ միայն որպես պատգամավոր, հոգսերը շատ էր, չէի հասցնում իմ առօրյա կյանքով զբաղվելու: Ժողովրդի հետ կապված լիքը հոգսեր ունեի: Լիքը հարցեր կար, որ անլուծելի էր, մենք օգնում էինք, որ լուծվի»:
Առաքել Մովսիսյանը նշեց, որ անփոխարինելի մարդիկ չկան. «Բայց ցանկացած տղա, պատգամավոր կըլնի, թե պաշտոնյա կըլնի, եթե իրա երկրում, թեկուզ պատգամավոր չեղավ, 12 տարի ա, քիչ չի, եթե էս ազգից նեղացավ, ուրեմն ինքը մենակ պաշտոնի համար ա եղել»:
Նա ընդգծեց, որ առանց իմ կարիքի անհրաժեշտության էլ, հիմա ինքը օգում է ՀՀԿ-ին, եւ զբաղվում է քաղաքապետի ընտրություններով. «Ինչքան ժողովուրդ տենում ես, էնքան իմ կողքն ա»: