Եվրասիական տնտեսական հանձնաժողովի նավթի ու գազի հանձնաժողովը հավանություն է տվել ԵՏՄ-ում գազի ընդհանուր շուկայի ձեւավորման ծրագրին, հաղորդում է RNS-ն՝ վկայակոչելով կառույցի մամուլի ծառայությունը:
«Ծրագրում հաշվի են առնված ԵՏՄ պետությունների տնտեսական շահերը, ներառյալ այդ երկրների գազային շուկաների գործունեության, նաեւ ազգային օրենսդրությունների առանձնահատկությունները: Միաժամանակ, գազի ընդհանուր շուկայի ձեւավորումը ինտեգրացիոն համագործակցության կարեւորագույն առաջնահերթություններից մեկն է»,-հայտարարել է ԵՏՀ էներգետիկայի եւ ենթակառուցվածքների հարցերով կոլեգիայի անդամ Ադամկուլ Ժունուսովը:
Նշվել է, որ միջոցառումների մի մասը կապված է բորսային առեւտրի կարգավորման եւ գազի առետրի կանոնների, գազի ընդհանուր շուկայում գնային եւ սակագնային քաղաքականության իրականացման հետ: