Հնդկաստանի կառավարության պատվիրակության օդանավը վայրէջք է կատարել Երեւանի օդանավակայանում: NEWS.am-ի թղթակիցը հաղորդում է, որ Երեւանի «Զվարթնոց» օդանավակայանում Հնդկաստանի փոխնախագահ Համիդ Անսարիին եւ նրա տիկնոջը դիմավորել են Հայաստանի ԱԳ նախարար Էդվարդ Նալբանդյանը՝ տիկնոջ հետ, հայաստանում Հնդկաստանի դեսպանը, այլ պաշտոնատար անձինք (ֆոտոռեպորտաժ):
Ավելի վաղ նշվել էր, որ ապրիլի 24-26-ին տեղի ունենալիք այցի ընթացքում Հնդկաստանի փոխնախագահին կուղեկցի իր տիկինը՝ Սալմա Անսարին, Փոքր ու միջին ձեռնարկությունների նախարար Գիրարաջի Սինգհը, պատգամավորներ, ինչպես նաեւ բարձրաստիճան պաշտոնատար անձինք եւ լրատվամիջոցների ներկայացուցիչներ:
Պաշտոնական այցի շրջանակներում Անսարին բանակցություններ կանցկացնի ՀՀ նախագահի, վարչապետի եւ ԱԳ նախարարի հետ:
