Առաջիկա վեց ամիսների ընթացքում 20 մլն մարդ կարող է մահանալ սովից, եթե միջազգային համայնքը շտապ միջոցառումներ չձեռնարկի։ Այս մասին հայտնել է ՄԱԿ-ի Պարենամթերային ու գյուղատնտեսական կազմակերպության գլխավոր տնօրեն Ժոզե Գրացիանու դա Սիլվան։
«Սովը ոչ թե միայն սպանում է մարդկանց, այլ հանգեցնում սոցիալական անկայունության, նաեւ նրանց գցում աղքատության ու արտաքին օգնությունից կախման արատավոր շրջանի մեջ»,- շեշտել է նա։
Դա Սիլվայի խոսքով պետք է շտապ քայլեր ձեռնարկել նախեւառաջ Նիգերիայում, Սոմալիում, Հարավային Սուդանում ու Եմենում սովից ու թերսնումից տառապող մարդկանց փրկելու համար։
Կազմակերպության խորհրդի նստաշրջանի ժամանակ քննարկվելու են 2018-2019 թթ բյուջեն ու անելիքները։ Բյուջեում որոշվելու են առաջնային ոլորտները, որտեղ կազմակերպության մասնագետները կարող են առավելագույն օգտնություն ցուցաբերել անդամ երկրներին՝ Կայուն զարգացման նպատակները իրագործելու համար։