Վայոց ձորի Արփի գյուղում ապրիլի 23-ին գազալցակայանում տեղի ունեցած պայթյունի հետեւանքով տուժածին Եղեգնաձորի բժշկական կենտրոնից տեղափոխել են «Հերացի» 1 հիվանդանոցային համալիր: NEWS.am-ին հիվանդանոցից հայտնեցին, որ ձեռքի վնասվածքով տեղափոխված քաղաքացուն անմիջապես վիրահատել են: Այս պահին նա գտնվում է Վերակենդանացման բաժանմունքում, նրա վիճակը բավարար է:
Ավելի վաղ տեղեկացրել էինք, որ ապրիլի 23-ին, ժամը 17:17-ին ահազանգ է ստացվել, որ Վայոց ձորի մարզի Արփի գյուղի գազալցակայանում տեղի է ունեցել պայթյուն:
Պայթյունի հետեւանքով մահացել է գազալցակայանի լիցքավորող, Վայոց ձորի մարզի Աղավնաձոր գյուղի բնակիչ Արման Կարապետյանը, տուժել 2 հոգի: