Nord Stream 2 AG-ը («Հյուսիսային հոսք-2» գազատարի օպերատոր ընկերությունը, «Գազպրոմի» «դուստրը») հինգ եվրոպական ընկերությունների՝ ENGIE, OMV, Royal Dutch Shell, Uniper եւ Wintershall-ի հետ պայմանագիր է ստորագրել «Հյուսիսային հոսք-2» գազատարի շինարարության ֆինանսավորման մասին, հայտնում է ՌԲԿ-ն՝ վկայակոչելով «Գազպրոմը»։
Հաղորդագրության մեջ ասվում է , որ եվրոպական ընկերությունները կտրամադրեն նախագծի երկարաժամկետ ֆինանսավորում՝ դրա ընդհանուր արժողության՝ 9․5 մլրդ եվրոյի 50 տոկոսի չափով։ Այդ ընկերություններից յուրաքանչյուրի ներդրումը կկազմի 950 մլն եվրո։ «Գազպրոմը» կմնա Nord Stream 2 AG նախագծային ընկերության միակ բաժնետերը, նշվում է հաղորդագրության մեջ։