Մենք երբեք չենք դադարի խոսել Հայոց ցեղասպանության մասին։ Այս մոտեցումը վերանայման ենթակա չէ։ Այս մասին հայտնել է Ֆրանսիայի նախագահ Ֆրանսուա Օլանդը՝ Ֆրանսիայի հայկական կազմակերպությունների համակարգող խորհրդի կողմից Փարիզում կազմակերպված միջոցառման ժամանակ, որը նվիրված է Հայոց ցեղասպանության 102-րդ տարելիցին։
«Այս տարվանից սկսած, ամեն տարի, ապրիլի 24-ից սկսած դպրոցներում ցեղասպանությունների մասին մեկշաբաթյա դասընթացներ են անցկացվելու»,- նշել է Օլանդը։
Ավելի վաղ հայտնել էինք, որ Օլանդը ծաղկեպսակ է դրել Կոմիտասի հուշարձանի մոտ։
Հայոց ցեղասպանության 102-րդ տարելիցին նվիրված արարողությունը անցնում է Կանադայի հրապարակում՝ Կոմիտասի հուշարձանի մոտ։