ՄԱԿ-ում ԱՄՆ նախկին մշտական ներկայացուցիչ Սամանտա Փաուերը ափսոսանք է հայտնել այն կապակցությամբ, որ ԱՄՆ-ն չի ճանաչել Հայոց ցեղասպանությունը։ «Ես շատ ափսոսում եմ, որ Օբամայի աշխատակազմում աշխատանքի ժամանակ մենք չճանաչեցինք Հայոց ցեղասպանությունը»,- գրել է նա իր թվիթերյան միկրոբլոգում։
«Ցեղասպանությունը անդրադարձել է հայկական ծագումով ամերիկյան գրեթե յուրաքանյուր ընտանիքի վրա։ Թուրքիայի ժխտողականությունը Ցեղասպանությունը դարձնում է բաց վերք։ Հայոց ցեղասպանության զոհերի հիշատակի օրը անընդհատ մտածում եմ հայերի մասին։ 102 տարի առաջ, օսմանյան իշխանությունները սկսել են կոտորածներ, որոնք ոչնչացրել են 1․5 մլն հայերի»։
Հիշեցնենք, որ ԱՄՆ նախկին նախագահ Բարաք Օբաման իր նախընտրական քարոզչության ժամանակ խոստացել էր իր ընտրվելու դեպքում ճանաչե լ Հայոց ցեղասպանությունը։ Սակայն երկու ժամկետով նախագահության տարիներին նա չի կատարել իր խոստումը՝ ապրիլի 24-ին իր ամենամյա ավանդական ուղերձներում սահմանափակվելով «Մեծ Եղեռն» ձեւակերպումով ։
