Բլոգեր Բենջամին Գեսկինը՝ Լատվիայից իր Twitter–ում հրապարակել է iPhone 8–ի նախագծերի լուսանկարները։ Ինսայդերի խոսքով մոդելները նրան ուղարկել է նրա ընկերը, որը դրանք ստացել է Foxconn գործարանում, գրում է 9to5mac-ը։

Գեսկինը հավաստիացնում է, որ լուսանկարներում պատկերված են ոչ թե աշխատանքային նախատիպերը, այլ ձեռնարկությունում ստեղծված մակետները՝ ռոբոտիզացված հաստոցներով արտադրությունը մշակելու համար։

Լուսանկարներից մեկում սմարթֆոնն ունի ամբողջովին մետաղական կորպուս, մինչդեռ մյուս լուսանկարներում ետեւի կափարիչը ապակյա է, iPhone 4 -ի նման։ Գեսկինի խոսքով սմարթֆոնի դիսփյելը առանց շրջանակների է լինելու ։

Ետեւի կափարիչի վրա կա ճեղք՝ նոր կրկնակի տեսխցիկի համար՝ մոդուլների ուղղահայաց կողմնորոշմամբ։ Դատելով լուրերից ՝ նման փոփոխությունը անհրաժեշտ է VR-կոնտենտ ձայնագրելու համար

Բացի դրանից հրապարակված լուսանկարները հերքում են այն տեղեկությունը, որ սմարթֆոնը ունենալու է մատնահետքի սկաներ՝ ետեւի կափարիչի վրա։ Դրա փոխարեն Apple-ը կարող է TouchID-ը ներկառուցել էկրանի մեջ, կամ էլ կենսաբանական նույնականացման այլ մեխանիզմներ օգտագործել։

Նոր այֆոնը կներկայացվի 2017-ի աշնանը, Apple-ի ամենամյա շնորհանդեսի ժամանակ։ Ըստ շրջանառող լուրերի՝ սմարթֆոնը կունենա 5․8 դյույմանոց OLED դիսփյել՝ ավելի քան 521 521 ppi.պիկսելներով։