«Վիքիպեդիա»-ի հիմնադիր Ջիմի Ուեյլսը հայտարարել է Wikitribune լրատվական առցանց կայքի ստեղծման մասին՝ «կեղծ» լուրերի ու անարժանահավատ լրատվամիջոցների դեմ պայքարելու համար։ Այս մասին նա հայտարարել է Business Insider պարբերականի հետ հարցազրուցի ժամանակ, հաղորդում է RNS-ը։
Wikitribune-ն իր մեջ կներառի ավանդական տեղեկատվական գործակալությունն ու «Վիքիպեդիա»-ն, որի նյութերը յուրաքանչյուրը կկարողանա փոփոխել։ Նախագծին պրոֆեսիոնալ լրագրողների հետ մեկտեղ կմասնակցեն նաեւ կամավորներ։ Նրանք կգրեն ու կխմբագրեն լուրերը՝ «միասին հավասարապես աշխատելով», նշել է Ուեյլսը։
Սկզբի համար Wikitribune-ը հույս ունի համագործակցության համար ներգրավել 10 լրագրողի։ Ջիմի Ուեյլսն ինքը կլինի նախագծի ղեկավար ու գլխավոր խմբագիր։