Ֆրանսիայի նախագահ Ֆրանսուա Օլանդը հարգանքի տուրք է մատուցել Ելիսեյան դաշտերում իրագործված ահաբեկչության ժամանակ զոհված ոստիկան Քսավիե Ժյուժելեի հիշատակին: Արարողությանը մասնակցել են նախագահի 2 թեկնածուները՝ Էմանուել Մակրոնը եւ Մարին Լը Պենը, փոխանցում է RFI-ն:
Քսավիե Ժյուժելեն զոհվել է ապրիլի 20-ին՝ Փարիզի հանրահայտ փողոցում կրկնահանցագործ Քարիմ Շյորֆիի իրագործած զինված հարձակման ժամանակ, որը գնադակահարվել է ոստիկանների պատասխան կրակոցով: Շյորֆին Ելիսեյան դաշտերում երեկոյան ինքնաձիգով գնդակոծել էր ոստիկանական պարեկներին եւ ավտոբուսը: Ոստիկանության 37-ամյա աշխատակից Քսավիե Ժյուժելեն սպանվել է գլխին արձակված 2 կրակոցով: Երկու ոստիկան վիրավորվել է, նրանցից մեկը ծանր վիրավորում է ստացել որովայնի հատվածում: