ESET անտիվիրուսային ապահովման մշակողը հայտնել է Google Play-ի Android/Charger-ում խոտանի հայտնաբերման մասին, որը «թաքնվում է»  Flashlight LED Widget հավելվածով, հաղորդում է  РБК-ն։

Ծրագիրը սմարթֆոնի սեփականատիրոջից խնդրում է ադմինիստրատորական ծառայության իրավունք եւ այլ հավելվածների պատուհանները բացելու թույլտվություն։ «Ապա վիրուսը չարագործների սերվեր է ուղարկում սարքավորման մասին տեղեկություն, այդ թվում՝ սեփականտիրոջ հավելվածների ու առջեւի տեսախցիկով արված լուսանկարների ցանկը»,-ասվում է ընկերության հաղորդագրությունում։

Դրանից հետո եթե օգտատերն իր սարքավորման վրա բացում է բջջային բանկի կամ սոցկայքերի հավելվածը, էկրանին  տվյալների մուտքի համար պատուհան է բացվում, իսկ դրանում մուտքագրված գաղտնաբառերը կամ բանկային քարտերի համարներն ուղարկվում են չարագործենրին։ Բացի այդ, խոտանը կարող է արգելափակել նաեւ սարքավորման էկրանը։