Լեռնային Ղարաբաղի հակամարտության կարգավորումը ԵԱՀԿ Մինսկի խմբի ձեռքերում է: Այս մասին Եվրոպայի խորհրդի գլխավոր քարտուղար Թյորբորն Յագլանդը հայտարարել է ի պատասխան ԵԱՀԿ-ում ադրբեջանցի պատգամավորի «ավանդական դժգոհությանը»:
Գարնանային նստաշրջանի ընթացքում Ադրբեջանի պատգամավորը դարձյալ դժգոհել է մինսկյան գործընթացից: Ի պատասխան Յագլանդն ընդգծել է, որ հարցով զբաղվում է հենց Մինսկի խումբը: «Մեզ չեն հրավիրել մասնակցելու գործընթացին: Եթե նրանք մարդու իրավունքների տեսակետից գործընթացին Եվրոպայի խորհրդի ավելի հզոր ներգրավվածություն ցանկանան, մենք կարող ենք օգնել»,- նշել է նա: