Մենք բազում արված աշխատանքներ կարող ենք ներկայացնել։ Այդ մասին այսօր՝ ապրիլի 25-ին Շենգավիթ վարչական շրջանում ընտրողների հետ հանդիպմանը ասել է Երեւանի քաղաքապետ, ավագանու ընտրություններում ՀՀԿ ցուցակը գլխավորող Տարող Մարգարյանը։
«Մենք եկել ենք ձեր վստահության քվեն խնդրելու, որ շարունակենք Երեւանի զարգացման ծրագիրը։ Այն ծրագիրը, որը իրատեսական է, որը խոստումներ չեն, այլ կատարած աշխատանքի շարունակությունն է»,- ասել է նա։
Ըստ քաղաքապետի, ՀՀԿ-ի ծրագիրն ամբողջությամբ տարիների ընթացքում բնկաիչների կողմից բարձրացրած խնդիրներն են։ «Մենք երկար ժամանակ չենք խնդրում, կարճ ժամանակ ենք խնդրում։ Մենք ունենք խնդիրներ՝ տրանսպորտի, բնակֆոնդի պահպանման եւ այլ։ Դրանք գերակա խնդիրներ են, եւ միասին պետք է լուծենք այդ խնդիրները»,- ասել է Մարգարյանը։
Ելույթից հետո Տարոն Մարգարյանը զրուցեց հավաքված բնակիչների հետ, որոնք տարատեսակ հարցեր էին բարձրացնում՝ տրանսպորտից մինչեւ տան վարձի։ Քաղաքապետը նաեւ հրաժարվեց պատասխանել լրագրողների հարցերին։
