Թերթի ՀՅԴ աղբյուրենրը պնդում են, որ վերջին ժամանակներս նկատվում է կուսակցությունից անդամների աննախադեպ արտահոսք: «Այսօր նույնիսկ Երեւանում կան կոմիտեներ, որտեղ կուսակցության անդամների թիվը սկսել է սպառնալիորեն նվազել: «Ընդ որում, կուսակցությունը լքում են ինչպես իշխող կոալիցիայի մեջ «Դաշնակցության» մտնելուց հետո նրա շարքերն ընդունված եւ այժմ կոալիցիայից նրա դուրս գալուց դժգոհ անձինք, այնպես էլ արմատական անդամներ: Եթե առաջինները դժգոհ են կուսակցության ներկայիս ընդդիմադիր կեցվածքից, ապա մյուսները կարծում են, որ ՀՅԴ-ն շարունակում է նահանջել ազգային սկզբունքներից եւ ընթանում է իշխանությունների ցուցումներով: Խիստ անհանգստացնում է նաեւ այն փաստը, որ վերջին ժամանակներս կուսակցությունը կտրուկ «ծերացել» է»,-գրում է թերթը:
