Շվեդիայի Ուպսալա քաղաքի շրջանային դատարանը դատավճիռ է կայացրել  երկու աֆղանստանցի ու  մեկ իրանցի միգրանտների գործով, որոնց մեղադրում են 30-ամյա կնոջ խմբակային բռնաբարության մեջ, որը նրանք հեռարձակել են Ֆեյսբուքով, հայտնում է Reuters–ը։

Մեղադրյալները տարբեր ժամկետների ազատազրկման են դատապարտվել ու 36․7 հազար դոլար տուգանքի։ Տեսագրության հեղինակը ու նրա հանցակիցներից մեկը ազատազրկվել են վեց ամսով, մյուս հանցակիցը՝ երկու տարի չորս ամսով։

Ուպսալայի ոստիկանությունը հանցագործներին ձերբակալել էր հունվարի վերջին Facebook–ի օգտատիրոջ ահազանգից հետո, որը հայտնել էր, որ սոցցանցի փակ խմբերից մեկում բռնաբարություն է հեռարձակվում։

Իրավապահները մտել էին չարագործների բնակարան ու այնտեղ հայտնաբերել  30-ամյա բռնաբարված կնոջը անգիտակից ու ուժեղ հարբած վիճակում։ Կալանավորման պահին տղամարդիկ պատաստվում էին իրենց զոհի հետ երկրորդ տեսանյութը տեսագրել։