Սպիտակ տան աշխատակազմի ղեկավար Ռայանս Փրիբասը երեքշաբթի հայտարարել է, որ Սան Ֆրանցիսկոյի դատարանը «գժվել է»՝ չեղարկելով նախագահ Դոնալդ Թրամփի հերթական իմիգրացիոն որոշումը, հաղորդում է «ՌԻԱ Նովոստի»-ն:
«Պարզապես Իններորդ շրջանային դատարանը գժվել է», - լրագրողներին հայտարարել է Փրիբասը, որին մեջբերում է Hill պարբերականը։ «Պարզ է, որ մեր երկրում կարելի է ընտրել դատարանները», - նշել է նա ու հավելել. «Մենք գործողություններ կձեռնարկենք՝ այն բողոքարկելու համար»: Փրիբասի խոսքով, դատարանի որոշումը կվերանայվի, եթե նույնիսկ դրա համար անհրաժեշտ լինի դիմել ԱՄՆ Գերագույն դատարան։
Նշենք, որ երեքշաբթի դատարանն արգելափակել է ապօրինի ներգաղթյալների քաղաք-ապաստանների ֆինանսավորումը դադարեցնելու Սպիտակ տան կարգադրությունը։ Տվյալ որոշումն ուժի մեջ կմնա այնքան ժամանակ, քանի դեռ Սպիտակ տան իրավազորությունը կքննարկվի դատարանում։