ԱՄՆ Նոր Օռլեան քաղաքում ավազակը խանութ է մտել, սակայն ազդանշանային համակարգի հանկարծակի գործելու հետեւանքով դժվարությամբ է շինությունից դուրս եկել։ Տեսագրությունը, որտեղ արձանագրվել են նրա գործողությունները, հրապարակել է տեղի ոստիկանական բաժինը, հաղորդում է «ՌԻԱ Նովոստի»-ն։
Տեսագրությունում երեւում է՝ ինչպես ավազակը տանիքով հայտնվում է հագուստի խանութում։ Որոշ ժամանակ անց նա մի քանի անգամ փորձում է դուրս գալ միեւնույն ճանապարհով, սակայն ապարդյուն։ Դրանից հետո նա փորձում է փախչել պատուհանով կամ դռնով՝ կրկին ապարդյուն։ Ուստի նա եւս մեկ անգամ փորձում է հասնել առաստաղին դարակների վրայով՝ կոշիկներով, սակայն ընկնում է։
Ոստիկանության տվյալներով՝ արդյունքում նա գտել է դուռը, որի միջոցով կարողացել է հեռանալ առանց որեւէ բան գողանալու։ Այժմ նրան որոնում են։
