ՌԴ վարչապետ Դմիտրի Մեդվեդեւի հրաժարականին «միանշանակ այո» են ասել հարցման մասնակիցների 18 տոկոսը, իսկ «ամենայն հավանականությամբ այո»՝ 27 տոկոսը։ Այս մասին են վկայում ապրիլի 7-10-ը Լեւադա կենտրոնի իրականացրած հարցման տվյալները, հաղորդում է РБК-ն։

Անցյալ տարվա մայիսից վարչապետի հանդեպ վստահության մակարդակը կտրուկ անկում է ապրել։ Համաձայն հարցման՝ 2016 թվականի մայիսին վարչապետին լիովին վստահել են հարցման մասնակիցների 14 տոկոսը, 9 տոկոսը՝ դեկտեմբերին, ընդամնեը 3 տոկոսը՝ սույն թվականի ապրիլին։ Մեդվեդեւին «Հիմնական վստահողների» քանակը 39 տոկոսից հասել է 30-ի անցյալ տարվա մայիսին, իսկ այս տարվա ապրիլին դրանց թիվը 33 տոկոս է։ Աճել է նաեւ Մեդվեդեւին բոլորովին չվստահող հարցման ենթարկվածների թիվը՝ 14-ից 19 տոկոս համապատասխանաբար։

Վերջին տարիներին հարցման ենթարկվածները բացասաբար են վերաբերվում վարչապետին։ Նվազել է վարչապետին համակրանք հայտնողների թիվը (2013-ի 12 տոկոսից  2017-ի ապրիլին այն հասել է 8-ի)։ Հարցվածների թիվը, որոնք նրա մասին «ոչ մի վատ բան չեն կարող ասել», 29 տոկոսից հասել է 21-ի։

Լեւադա կենտրոնի սոցիոլոգ Ստեփան Գոնչարովն ասել է, որ Մեդվեդեւի վարկանիշն ընկել է  Կոռուպցիայի դեմ պայքարի հիմնադրամի հիմնադիր Ալեքսեյ Նավալնու նկատմամբ հետաքննության, ներքին տնտեսական խնդիրների եւ «հետղրիմյան կոնսենսուսի» արդյունավետության նվազելու պատճառով։