Թուրքիայի ԶՈՒ–ն ամիսներ առաջ «Եփրատի վահան» գործողության անվան տակ Սիրիա ներխուժելու հետ կապված թուրքական BirGun–ը սկանդալային մանրամասներ է ներկայացրել։
BirGun–ը գրել է, թե թուրքական զինուժի հետ Սիրիայի տարածք ներխուժած եւ այսպես ասած «Սիրիական ազատ բանակ» կոչվող ծայրահեղական խմբավորման անդամները թուրքական տանկերն ու զրահատեխնիկան վաճառել կամ պարզապես հանձնել են «Իսլամական պետությանը»։
Նշվումէ , որ Թուրքիայի ԶՈՒ գլխավոր շտաբը եւս տեղեկացել է, որ «Սիրիական ազատ բանակին» տված զրահատեխնիկան զինյալները վաճառել են ԻՊ–ի ահաբեկիչներին։
BirGun–ը ներկայացրել է տեսագրություն, որտեղ ապացուցվում է, որ այսպես ասած «Սիրիական ազատ բանակ» ծայրահեղական խմբավորմանը հանձնված թուրքական տանկերը այժմ գտնվում են ԻՊ–ի ձեռքում։