Երեւանի ավագանու այսօրվա նիստի ժամանակ ՀՀԿ խմբակցության անդամ, ճարտարապետ Լեւոն Իգիթյանը դարձյալ չի կարողացել զուսպ լսել ընդդիմադիր «Բարեւ Երեւան» խմբակցության անդամ Անահիտ Բախշյանի բարձրացրած հարցերը։ Սովորության համաձայն նյարդայնացել է, երբ Բախշյանը մանրամասներ է ճշտել օրակարգի հարցերից ու Տարոն Մարգարյանին ուղղել հարցեր։ Անահիտ Բախշյանի խոսքի ժամանակ Իգիթյանը հեգնանքով բացականչել է «Ելք» դաշինքի կարգախոսը՝ «ելք կա»։ ՀՀԿ խմբակցոթւյան անդամի աշխուժությունը վարակել է թիմակիցներին, որոնք քթի տակ խնդմնդալով ձայնակցել են նրան։
Հիշեցնենք, որ Երեւանի ավագանու այս ընտրություններում Անահիտ Բախշյանը առաջադրվել է «Ելք» դաշինքի ցուցակով։